14 ნოემბერი, 2008
SOCAR-მა და “ყაზმუნაიგაზმა“ შეთანხმებას მოაწერეს ხელი
აზერბაიჯანის სახელმწიფო ნავთობკომპანიამ (SOCAR) და ყაზახურმა სახელმწიფო კომპანია “ყაზმუნაიგაზმა: ბაქოში შეთანხმებას მოაწერეს ხელი.აზერბაიჯანული საინფორმაციო სააგენტოების ინფორმაციით, შეთანხმების დასახელებაა “ტრანსკასპიური სატრანსპორტო სისტემის ფუძემდებლური პრინციპები“. ტრანსკასპიური სატრანსპორტო სისტემა გულისხმობს ყაზახური ნავთობის ტრანსპორტირებას აზერბაიჯანში და მის რეექსპორტს. სისტემის ექსპლუატაცია პირველ ეტაპზე შესაძლებელს გახდის დღე-ღამეში 500 ათასი ბარელი ნავთობის ტრანსპორტირებას, მომავალში კი მისი გამტარუნარიანობა 1200 ათას ბარელს მიაღწევს. სისტემის შექმნაზე მუშაობა, სავარაუდოდ, 2012 წელს დასრულდება. “ყაზმუნაიგაზის“ პრეზიდენტი კაირგელდი კალდიბინი ბაქოში მიმდინარე ენერგეტიკულ სამიტზე ყაზახურ დელეგაციას ხელმძღვანელობს. “ინტერპრესნიუსი“
|
.gif)
